I bee a Hex, Hex, vom Bihlerdal
Mir ischt as Leaba, emmer scheißegal
I bee a Hex, Hex, vom Bihlerdal
Mir isch älles scheißegal

Mir schaffat nix, nix, bis zom Fasnetsend
Weil a Bihler Hex, koine Sorga kennt
Mir schaffat nix, nix, bis zom Fasnetsend
Weil mr sowieso nix hent

Do mo mir send, send, werdat d’Feaschder blend
Weil a reachde Hex, emmer furchtbar stengt
Do mo mir send, send, werdat d‘Feaschder blend
Weil a Hex so furchtbar stengt

Mir saufet nix, nix, was noch Wasser schmeckt
Weil sich do a Rausch, emmer so schnell legt
Mir saufet nix, nix, was noch Wasser schmeckt
Weil dr Rausch sich so schnell legt

Mir feaget weg, weg, Spennaweaba weg
Bei so mancher Jongfer ond au sonscht no Dreck
Mir feagat weg, weg, Spennaweaba weg
Ond au sonscht no Dreck

Mir feagat naus, naus, was et sauber isch
Mir feagat grendlich, machet reina Disch
Mir feagat naus, naus, was et sauber isch
Machet grendlich reina Disch

I bee a Hex, Hex vom Bihlerdal
Mir isch es Leaba, emmer scheißegal
I bee a Hex, Hex vom Bihlerdal
Mir isch älles scheißegal.