Krach mit Subbersach

Subber Sach - des send dr Tim, Bernhard ond dr Simon. Ond mir machat Musik uf schwäbisch. Dr Tim ond dr Simon kennat sich scho seit em Kendergarda ond hend scho a ganze Weile lang zamma Musik gmacht, allerdengs nia uf schwäbisch. Dann isch irgendwann dr Bernhard dazuakomma. Dr Bernhard ond dr Simon schdudierad zamma Kunschd en Schduagad und hend do drbei mol aus ra Wei-Laune raus agfanga englische Liadla ens schwäbische zu übrsetza. Ond zack, Suuber Sach war gebora. Seitdem schbielat mir bluesige, schwäbsiche Musik - sengenderweise ond uf verschiedene Saida-Inschdrumende - am liebschda akusdisch ond vor ma überschaubare Publikum, so dass mr a persenliche Bindong zu onserem Publikum aufbaua kennat.

Mir hend a scheenes Reportoire an übersetzde Liadla aber mittlerweile au an ganza Haufe eigene Komposiziona. Seit am Dezember geit's au a CD mit zwölf Liadla druf ond en ra handgmachda Verpackong.